எம்மைப் பற்றி

விடியல் ஒரு இலாபநோக்கற்ற அமைப்பாகும். வடகிழக்கு இலங்கையில், கல்வி, மருத்துவம் மற்றும் வாழ்வாதார உதவி தேவைப்படும் மக்களுக்கு உதவும் நோக்கில் உருவாக்கப்பட்டுள்ளது.

தேவைப்படுபவர்களுக்கு ஆதரவையும் உதவியையும் வழங்க பலரும் விருப்பம் கொண்டிருந்தாலும், எப்படி மற்றும் யாருக்கு என்ற கேள்வி பலருக்கும் எழுந்திருக்கும் காரணத்தால், அவர்களைக் கண்டறிந்து, உங்கள் உதவிகள் தேவையானவர்களை சரியானமுறையில் சென்றடையச் செய்யும் முக்கிய இலக்குடன் எங்கள் பயணம் தொடங்கப்பட்டுள்ளது.

பல ஆண்டுகளாக வரணி ஒன்றியம் சுவிஸ் ஊடாக, தேவைப்படும் மக்களுக்கு, கல்வி, மருத்துவம் போன்ற உதவிகளை வழங்கி, வரணி சமூகத்திற்கு ஆதரவளித்து குறிப்பிடத்தக்க முன்னேற்றங்களை ஒன்றியத்தின் பெயரில் செய்துள்ளோம்.

விடியலினூடாக பரந்துபட்ட பகுதிகளுக்கும் உதவிகளை உங்கள் பெயரில் உரியவர்களிடம் கொண்டுசேர்க்கும் ப‌ணியை புதியமுறையில் தொடங்கியுள்ளோம்